Европын Монгол Судлалын Олон Улсын Хурал боллоо
Олон Улсын Монгол Судлалын Холбооноос Бүгд Найрамдах Итали Улсын Венец хот дахь Ка Фоскарын Их Сургуулийн Ази ба Хойд Африк судлалын тэнхимтэй хамтран Европын Монгол Судлалын Олон Улсын Хурлыг Марко Пологийн 700 жилийн ойг тохиолдуулан Итали Улсын Венец хотноо 2024 оны 11 дүгээр сарын 27-29-ний өдрүүдэд зохион байгууллаа.
Хуралд Монгол, Итали, Унгар, Франц, Швед, Польш, Дани, Норвег, Канад, Герман, Турк, Орос, БНХАУ, Англи, Австри, Энэтхэг, Чех, Швейцар, Бостван зэрэг улсын нийт 70 орчим эрдэмтэн судлаачид оролцож монголчуудын түүх, соёл, шашин шүтлэг, хэл, урлаг, улс төр, эдийн засаг, олон улсын харилцааны өнөөгийн байдал хийгээд хэтийн төлөвийн талаар хэлэлцлээ.
